banner
banner

Sosİal

Kimyəvi zəhərlənmələrin 30 faizinə səbəb intihara cəhddir

Kimyəvi zəhərlənmələrin 30 faizinə səbəb intihara cəhddir
Azərbaycanda ötən il qeydə alınan bütün kimyəvi zəhərlənmələrin 30 faizi intihara cəhd səbəbindən baş verib.

Bunu Trend-ə Bakı şəhər Baş Səhiyyə İdarəsinin baş toksikoloqu, Kliniki Tibbi Mərkəzin Toksikologiya şöbəsinin həkimi, dosent İsmayıl Əfəndiyev deyib.
İ.Əfəndiyev bildirib ki, ötən il intihar məqsədilə özlərini zəhərləyənlər daha çox 20-29 yaşlı insanlar olub. Özlərini zəhərləmək istəyən 20-29 yaş qrupunda olan insanlar arasında qadınlar üstünlük təşkil edib.
Toksikoloq qeyd edib ki, 2015-ci ildə ümumilikdə 2462 nəfər kimyəvi zəhərlənməyə məruz qaldığına görə xəstəxanaya yerləşdirilib.
Bu göstəricilərin təxminən ötənilki səviyyədə qaldığını deyən İ.Əfəndiyev əlavə edib ki, 2014-cü ildə 2435, 2013-cü ildə 2444, 2012-ci ildə isə 2691 nəfər kimyəvi vasitələrdən zəhərlənmişdi.
Həkim deyib ki, kimyəvi zəhərlənmələr sırasında dərman, dəm qazı və yandırıcı məhlullardan zəhərlənmələr üstünlük təşkil edib.
Ötən il kimyəvi zəhərlənməyə məruz qalan 2462 nəfərin 33 faizi dərmanlardan zəhərlənib. Onların əksəriyyəti sakitləşdirici, əsəb və ağrıkəsiçi preparatlardan zəhərlənib. Belə zəhərlənmələr, əsasən, dərmanların həkimin təyinatı olmadan, dozadan artıq qəbul edilməsi nəticəsində yaranıb. Bütün zəhərlənmələrin 20 faizi dəm qazından, 14 faizi isə yandırıcı məhlulların qəbulundan baş verib.
 
İ.Əfəndiyev qeyd edib ki, kişilər özünəqəsd məqsədilə daha çox yandırıcı məhlullardan istifadə edirlər. Ötən il zəhərlənənlərin 2,8 faizi dünyasını dəyişib.
Cia.az


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.