22 yaşlı şəhid Elmir Zeynalovun cənazəsi doğulduğu Goranboy rayonunun Əhmədoba kəndinə gətirilib.
Cia.az-ın ans press-ə istinadən məlumatına görə, şəhidin tabutu kənd qəbristanlığına döyüş yoldaşlarının çiynində aparılıb.
Ailənin yeganə oğlu olan Elmir I Qarabağ müharibəsi zamanı şəhid olan əmisi İman Zeynalovun məzarının yanında dəfn edilib. Tabutun üzərinə salınmış üç rəngli bayraq şəhidin atası Sərxan Zeynalova təqdim edilib.
"Qardaşım da şəhid olub, indi də oğlum rəhmətə getdi. Onların ikisi də Vətən yolunda gedib. Mən fəxr edirəm ki, onlar özlərini Vətənə qurban veriblər!"- deyə şəhidin atası bildirib.
Dəfn mərasiminin sonunda şəhidin ruhuna ehtiram əlaməti olaraq hərbi orkestrin müşayəti ilə havaya yaylım atəşi açılıb.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
