Boşanma prosesi davam edən Bade İşçil ilə Malkoç Sualpın barışması ilə bağlı xəbər yayılıb. Bir-birinə qarşı qaldırdıqları ağır ittihamlarla gündəmdən düşməyən cütlük yenidən eyni evdə yaşayır. Onlar ailələrini qorumaq qərarına gəliblər. İki il əvvəl boşanmaq üçün məhkəməyə müraciət edən İşçil daha sonra qərarından imtina etmişdi. Amma qısa vaxt keçdikdən sonra problemlərini həll edə bilmədiyini deyən cütlük yenidən məhkəməyə üz tutmuşdu. Oğulları Azurun vəlayətini almağa görə, yarışa girən Bade və Sualp bir-birinə qarşı maddi və mənəvi təzminat, təhqir kimi iddialar irəli sürmüşdü. 7 ay davam edən məhkəmə prosesindən sonra cütlük yenidən ayrılmaqdan imtina edib.
Onlar "Uşaq üçün yox, bir-birimizi sevdiyimizə görə barışdıq. Hələ boşanma ərizəsini geri götürmədik. Aramızdakı problemləri həll etdikdən sonra dəqiq qərarı verəcəyik" deyə bildiriblər.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
