Bakıda keçirilən BMT-nin Sivilizasiya Alyansının VII Qlobal Forumu ilə bağlı 25-27 aprel tarixlərində paytaxtın bir sıra avtomobil yollarında hərəkət fasilələrlə məhdudlaşdırıla bilər.
Bakı şəhər Dövlət Yol Polisi İdarəsinin bölmə rəisi Vaqif Əsədovun verdiyi məlumata görə, tədbir iştirakçılarının təhlükəsizliyinin təmin edilməsi məqsədi ilə hava limanından şəhər istiqamətində Aeroport şosesi, Heydər Əliyev prospekti, Yusif Səfərov, Zərifə Əliyeva, Rəsul Rza, Neftçilər, Azneft dairəsi, Niyazi, həmçinin həmin marşrutla geriyə olan ərazilərdə üzrə avtomobillərin hərəkətinə fasilələrlə məhdudiyyətin qoyulması planlaşdırılır:
“Paytaxtın mərkəzi hissəsində yerləşən otellər, onlara bitişik küçə və yollarda da təhlükəsizlik tədbirlərinin keçirilməsi nəzərdə tutulur. Xüsusilə əsas tədbirin keçirildiyi Nərimanov rayonu ərazisindəki küçə və prospektlərdə hər bir sürücünü diqqətli olmağa çağırır və süni sıxlığın, tıxacın yaranmaması üçün mümkün olduğu qədər şəxsi avtomobildən deyil, ictimai nəqliyyatdan istifadə etməyi tövsiyə edirik”.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.