banner
banner

Sosİal

Güclü yağış Mingəçevirdə fəsadlar törədib

Güclü yağış Mingəçevirdə fəsadlar törədib

Mingəçevir şəhərini sel basıb, evlərin zirzəmiləri, həyətlər lillə örtülüb, küçələrdə keçilməz gölməçələr yaranıb. İki gündür ki, yağan leysan yağışları nəticəsində yaranan sel suları Mingəçevir şəhərinin “Günəşli” yaşayış massivində fərdi evlərin zirzəmisinə dolub.

Şəhərin şimalındakı dağlardan gələn sel suları həyətyanı sahələrdə vətəndaşlara məxsus tərəvəz sahələrini, ev quşlarını tələf edib. Şəhərin daxilindən keçən su arxlarının, eləcə də Havarlı suvarma kanalının suyu daşaraq kənardakı evlərə, əkin sahələrinə ciddi ziyan vurub, həyətləri qalın lil qatı örtüb. İnsanların küçələrdə piyada, hətta avtomobillə gediş-gəlişi çətinləşib. Mingəçevir Mənzil Kommunal Təsərrüfatı İstehsalatı Birliyinin əməkdaşları “Günəşli” yaşayış massivində selin törətdiyi fəsadların aradan qaldırılması istiqamətində işlərə başlayıb.

Kanalizasiya boruları palçıqla dolduğu üçün həyətlərə və evlərin zirzəmisinə yığılan suyu çəkib götürmək işi də çətinləşib. Həyətlərə dolan çirkli sular motor vasitəsilə çəkilərək arxlara axıdılır. Gələcəkdə ərazidə yenidən baş verə biləcək sel təhlükəsinin qarşısının alınması üçün su kanallarının lil və çöküntülərdən təmizlənməsinə başlanılıb və bu məqsədilə əraziyə ağır texnikalar cəlb edilib.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.