Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Tərtər və Füzuli rayonlarında aşkar olunan partlamamış hərbi sursatlar (PHS) haqqında hesabat açıqlanıb.
ANAMA-dan Cia.az-a verilən məlumata görə, hesabatda bildirilir:
Tərtər rayonu
Tərtər şəhər - 1 ev və həyətyanı sahədə 1 partlayış yerinə baxış keçirilmiş, 508 kv. m ərazi yoxlanılmış, heç bir PHS aşkar olunmamışdır .
Cəmilli kəndi - 3 ev və həyətyanı sahədə 4 partlayış yerinə baxış keçirilmiş, 9 500 kv. m ərazi yoxlanılmışdır.
Əskipara kəndi - 1 ev və həyətyanı sahədə 1 partlayış yerinə baxış keçirilmiş, 2 500 kv. m ərazi yoxlanılmışdır.
Şıxarx kəndi - 1 ev və həyətyanı sahədə 1 partlayış yerinə baxış keçirilmiş, 430 kv. m ərazi yoxlanılmış, heç bir PHS aşkar olunmayıb.
Cəmi: Gün ərzində 6 ev və həyətyanı sahədə, 7 partlayış yerinə baxış keçirilmiş, nəticə etibarı ilə 12 938 kv. m ərazi yoxlanılmışdır.
Füzuli rayonu
Şükürbəyli kəndi - 2 əkin sahəsində 2 partlayış yerinə baxış keçirilmiş, 408 kv. m ərazi qəlpələrdən təmizlənmış,
Cəmi: 2 əkin sahəsi, 2 partlayış yeri aşkar edilmiş və nəticə etibarilə 408 kv. m ərazi təmizlənmışdir.
14 May tarixində 6 ev və həyətyanı sahədə, 2 otlaq sahəsi daxil olmaqla 9 partlayış yerinə baxış keçirilmiş, gün ərzində 13 346 kv. m ərazi təmizlənmişdir.
Ümumilikdə Agentlik tərəfindən 7 Aprel - 14 May 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 480 ev və həyətyanı sahə, 2 hərbi hissə, 2 kənd qəbiristanlığı, 3 kənd orta məktəbi, 1 tibb məntəqəsi, 14 ferma, əkin sahələri və 1 çaxır zavodu ərazisinə baxış keçirilmiş, 1 420 ədəd partlamamış hərbi sursat, 11 ədəd piyada əleyhinə mina (PMN), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilib.
Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.
Cia.az
