Müğənni Elton Con və 21 ildir vətəndaş nikahında yaşadığı həmcinsi Devid Ferniş rəsmi şəkildə ailə qurublar.
Axşam.az xarici mətbuata istinadən xəbər verir ki, 67 yaşlı sənətçi 52 yaşlı sevgilisi ilə 2005-ci ildən bəri münasibətdədir. Həmçinin, cütlüyün surroqat anadan doğulan iki oğlu var.
"Hüquqi hissə bitdi. İndi sıra mərasimdədir" deyən müğənninin toy mərasimi mətbuatın iştirakı olmadan reallaşıb. Lakin E.Con bəzi şəkillərini İnstaqramda paylaşaraq sevincini heyranları ilə bölüşüb. Qonaqlar arasında aktyor Hyu Qrant, aktrisa Elizabet Herli, həmçinin, Bekhemlər ailəsi yer alıb.
Qeyd edək ki, E.Con və D.Ferniş bu ilin martında Böyük Britaniyada eynicinsli nikahlara icazə verən qanun qəbul ediləndən sonra evlənmək qərarına gəliblər. Hətta Elton Con sosial şəbəkədə sevincini "Hesab edirəm ki, yeni qanundan istifadə edərək əylənmək üçün əla fürsətdir. Biz çox xoşbəxtik ki, əsl toy edirik" sözləri ilə ifadə edib.
Xatırladaq ki, E.Con 1984-cü il, fevralın 14-də digər bir həmcinsi - səs mühəndisi Renat Blauellə də evlənib. Amma cütlüyün xoşbəxtliyi uzun çəkməyib və onlar 4 il sonra ayrıldıqlarını elan ediblər.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
