İyunun 19-da Tərtər rayonunun Cəmilli kəndində su kanalının yaxınlığında 4 partlayış yerinə baxış keçirilib, 1 ədəd partlamamış hərbi sursat (PHS) - (9M22U raketinin (Qrad) mühərrik hissəsi) aşkar edilərək götürülüb, nəticə etibarilə 6 min kvadratmetr ərazi yoxlanılıb. Şıxarx kəndində isə 2 ev və həyətyanı sahədə 2 partlayış yerinə baxış keçirilib, partlamamış hərbi sursat aşkar edilməyib, nəticə etibarilə 13 min kvadratmetr ərazi yoxlanılıb.
ANAMA-nın mətbuat xidmətindən virtualaz.org-a bildiriblər ki, Ağdam rayonunun Mahrızlı kəndində 1 ev və həyətyanı sahədə, 1 əkin sahəsində 3 partlayış yerinə baxış keçirilib, 2 ədəd partlamamış hərbi sursat (9M22U raketinin (Qrad) mühərrik hissəsi) aşkar edilib, nəticə etibarilə 9 min 500 kvadratmetr ərazi yoxlanılıb.
Füzuli rayonunun Horadiz kəndində 4 əkin sahəsində 4 partlayış yerinə baxış keçirilib, partlamamış hərbi sursat aşkar edilməyib, nəticə etibarilə 3 min 70 kvadratmetr ərazi yoxlanılıb.
Beləliklə, iyunun 19-da 3 ev və həyətyanı sahə, 5 əkin sahəsi, su kanalı, 13 partlayış yeri yoxlanılıb, 3 ədəd partlamamış hərbi sursat (9M22U raketinin (Qrad) mühərrik hissəsi) aşkar olunaraq götürülüb və gün ərzində 31 min 570 kvadratmetr ərazi təmizlənib.
Hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı, məktəblər və digər obyektlərin yerləşdiyi ərazilərdə əməliyyatları davam etdirir.
cia.az
