Azərbaycan Ərazilərinin Minalardan Təmizlənməsi üzrə Milli Agentliyi (ANAMA) iyunun 3-də Ağcabədi, Ağdam və Bərdə rayonlarında aşkar olunan Partlamamış Hərbi Sursatlar (PHS) haqqında hesabat yayıb.
ANAMA-dan bildirilib ki, iyunun 27-də 2 əkin sahəsinə, çay sahilinə və yarımtikiliyə baxış keçirilib, 1 ədəd partlamamış hərbi sursat (OF56-1 modelli 122 mm-lik top mərmisi) və 1 ədəd OZM-72 markalı piyada əleyhinə mina aşkar olunub.
Top mərmisinin daşınması mümkün olduğu üçün Mərkəzi Məhvetmə ərazisinə daşınıb, piyada əleyhinə minanın daşınması təhlükəli olduğuna görə yerində zərərsizləşdirilib. Gün ərzində 5 500 kv. m ərazi təmizlənib.
Ağcabədi rayonu
Arazbar kəndi – Qar-Qar çayın sahilindən 1 ədəd partlamamış piyada əleyhinə mina (OZM-72) aşkar olunub, minanın daşınması təhlükəli olduğuna görə, partlayış yolu ilə yerində zərərsizləşdirilib, nəticə etibarı ilə 1 000 kv. m ərazi yoxlanılıb.
(DİN-in “102” Xidməti-Zəng mərkəzi sisteminin və FHN-nin Böhranlı Vəziyyətlərdə İdarəetmə Mərkəzi məlumatı )
Ağdam rayonu
Mahrızlı kəndi – 1 əkin sahəsində 1 partlayış yerinə baxış keçirilib, 1 ədəd partlamış hərbi sursatın (9M22U raketi – Qrad ) qalıqları aşkar edilərək götürülüb, nəticə etibarı ilə 2 000 kv. m ərazi yoxlanılıb.
(FHN-nin Böhranlı Vəziyyətlərdə İdarəetmə Mərkəzinin məlumatı)
Əhmədağalı kəndi – 1 əkin sahəsində 2 partlayış yerinə baxış keçirilib, top mərmisinin
partlamış qalıqları aşkar olunub, nəticə etibarı ilə 1 500 kv. m ərazi yoxlanılıb.
(FHN-nin Böhranlı Vəziyyətlərdə İdarəetmə Mərkəzinin məlumatı)
Bərdə rayonu
Kələntərli kəndi – Qaz zavodunun yaxınlığındakı yarımtikili əraziyə baxış keçirilib, 1 ədəd partlamamış hərbi sursat (OF56-1 modelli 122 mm-lik top mərmisi) aşkar olunub, daşınması mümkün olduğu üçün Mərkəzi Məhvetmə ərazisinə daşınıb, nəticə etibarı ilə 1 000 kv. m ərazi yoxlanılıb.
(FHN-nin Böhranlı Vəziyyətlərdə İdarəetmə Mərkəzinin məlumatı).
Cia.az
