Fransa millisinin müdafiəçisi Patris Evra zədələnib.
Qol.az-ın Fransa mətbuatına istinadən verdiyi məlumata görə, 35 yaşlı futbolçu yığmanın son məşqində əlindən zədə alıb.
Komanda yoldaşı Mussa Sissoko ilə mübarizə zamanı zədələnən Evra məşqi 10 dəqiqə tez tərk edib. Həkimlərin əlini sarğı ilə bağladığı futbolçunun İslandiya ilə oyunda meydana çıxıb-çıxmayacağı hələlik məlum deyil.
Qeyd edək ki, "Avro-2016"nın 1/4 final mərhələsində keçiriləcək Fransa - İslandiya oyunu iyulun 3-də, Bakı vaxtı ilə saat 23:00-da başlayacaq.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
