İsrail ilə Fələstinin "Həmas" hərəkatı arasında gərginlik yenidən arta bilər.
ANS PRESS-in məlumatına görə, buna səbəb İsrail qüvvələrinin Qəzza zolağına yerüstü və havadan hücum etməsi olub.
Məlumata görə, "Həmas" mövqelərinə atılan raketlərdən biri 1 nəfərin ölümünə səbəb olub. İsrail ordusu qarşı tərəfin snayper hücumlarına cavab olaraq belə bir addım atdığını iddia edir.
"Həmas" rəhbərliyi isə, əksinə, ilk olaraq İsrailin fələstinlilərə atəş açdığını açıqlayıb.
Ötən gün öldürülən "Həmas" əsgərinin dəfn mərasimində minlərlə insan iştirak edib.
Bu il yay mövsümində İsrail ordusunun Qəzzaya qarşı apardığı hərbi kampaniya nəticəsində 2000-dən çox insan ölmüş, 11 min insan yaralanmışdı. Qarşıdurmalar zamanı İsrail ordusu 67 əsgər, 6 mülki vətəndaş itirdi. Avqust ayında tərəflər atəşkəs müqaviləsi bağlamışdılar.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.