Böyük Britaniyanın baş naziri Tereza Mey 4 naziri istefaya göndərib.
Trend-in verdiyi məlumata görə, bu barədə Britaniya hökumətinin mətbuat xidməti xəbər yayıb.
İstefaya göndərilənlər ədliyyə naziri Maykl Qouv, Lankaster hersoqluğunun kansleri Oliver Letuin, mədəniyyət, kütləvi informasiya vasitələri və idman naziri Con Uittinqdeyl, təhsil və eyni zamanda qadın və bərabərlik işləri naziri Niki Morqandır.
Xatırladaq ki, hökumətdə dəyişikliklər dünəndən-Tereza Meyin Böyük Britaniyanın baş naziri təyin olunmasından sonra başlayıb.
Məhz dünən Londonun sabiq meri Boris Conson Filip Hemmondun əvəzinə xarici işlər naziri təyin olunub.
Sem Hemmond maliyyə naziri olub. Maykl Fellon müdafiə naziri olaraq qalıb.
Sabiq energetika naziri Amber Radda daxili işlər naziri vəzifəsi həvalə olunub. Bundan əvvəl bu postu T.Mey tuturdu.
Kansler Corc Osborn hökuməti tərk edib.
Böyük Britaniyanın Avropa İttifaqından çıxması məsələləri üzrə nazir vəzifəsinə Devid Devis, beynəlxalq ticarət naziri vəzifəsinə isə Liam Foks təyin olunub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.