banner
banner

Gündəm

Gülənin Gürcüstandakı məktəbləri də bağlanır

Gülənin Gürcüstandakı məktəbləri də bağlanır

Gürcüstan parlamentinin eks-spikeri, müxalif Demokratik Hərəkatın lideri Nino Burcanadze ölkədə Fəthullah Gülən Fondu ilə bağlı ola bilən bütün təhsil müəssisələrini bağlamağa çağırıb.

Bu barədə “Sputnik” məlumat yayıb.

Bu yaxınlarda Türkiyənin Gürcüstandakı baş konsulu Yasin Temizkan bildirib ki, Batumidə fəaliyyət göstərən Refaydin Şahin adına məktəb-liseyini və digər türk məktəblərini, hansıları ki, onun fikrincə, terrorçular idarə edirlər, Fətullah Gülən Fondu maliyyələşdirir. Diplomat həmin məktəbləri bağlamağa çağırıb.

"Mən hakimiyyəti dərhal tədbirlər görməyə və Acariyada, eləcə də bütün Gürcüstan ərazisində Gülənin adı ilə bağlı ola bilən məktəbləri bağlamağa çağırıram. Bu məktəblər bağlanmalıdır, bu kolleclərlə bağlı məsələləri araşdırmaq üçün xüsusi dövlət komissiyası yaradılmalıdır", - deyə Burcanadze brifinqdə bildirib.

O, hakimiyyəti bu məsələ həll olunana qədər adıçəkilən məktəblərin lisenziyalarını dayandırmağa çağırıb.

Burcanadze həmçinin bildirib ki, hakimiyyət həmin məktəblərdə oxuyan uşaqların qayğısına qalmalı və onların başqa təhsil ocaqlarına köçürülməsini təmin etməlidir.

Onu da qeyd edək ki, konsulun bəyanatından sonra Türkiyə səfiri Levent Gumrukchu Zek Gürcüstan XİN-ə dəvət edilib. O bildirib ki, konsulun sözləri təhrif olunub.

Veri gəlmişkən, virtualaz.org Gürcüstan KİV-inə istinadən xatırladır ki, Mixail Saakaşvilinin prezident olduğu dönəmdə ölkənin bütün böyük şəhərlərində Fətullah Gülənin maliyyə dəstəyi ilə 14 təhsil müəssisəsi açılıb. Onların arasında Mixail Saakaşvilinin anası Qiuli Alasaniyanın faktiki olaraq rektoru olduğu "Gürcüstan Universiteti" də var. Gürcü agentliyi "Kvira ("Bazar günü") iddia edir ki, Fətullah Gülənin təşəbbüsü ilə "Universitet hər ay konfranslar keçirir".

O da iddia olunur ki, Qiuli Alasaniya bu günün özündə də Mixail Saakaşvili və Fətullah Gülən arasında vasitəçi rolunu oynayır.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.