İraqın baş naziri Heydər əl Abadi İŞİD terror qruplaşması ilə mübarizədə Türkiyənin dəstək verəcəyinə ümid bəsləyir.
APA-nın “Assoşieyted Press”ə istinadən verdiyi xəbərə görə, bu barədə o ötən gün İstanbula səfəri zamanı deyib.
“İŞİD tək İraq və Türkiyə üçün deyil, bütövlükdə, bütün bölgə üçün təhlükədir. Əməkdaşlığa böyük zərurət var. Biz məhz bunu Türkiyədən gözləyirik”, deyə əl Abadi qeyd edib.
Onun sözlərinə görə, əməkdaşlıq fəaliyyətin müxtəlif sahələrini əhatə edə bilər: kəşfiyyat xarakterli məlumatların mübadiləsi, hərbçilərin hazırlanması və təlimi, silah-sursatla təminat və s.
Türkiyənin baş naziri Əhməd Davudoğlu öz növbəsində Türkiyənin İraqa istənilən yardımın göstərilməsinə hazır olduğunu bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.