Vaqif Əsədov: “Deputatı da cərimələyirik, məmuru da”
“Bilərəkdən və ya bilməyərəkdən yol hərəkəti haqqında qanunun tələbinin pozulması inzibati xətadır və inzibati xəta törədən şəxs kimliyindən asılı olmayaraq (mövqeyindən, vəzifəsindən, cinsindən, irqindən və s.) məsuliyyətə cəlb edilir”.
Bunu Bakı şəhər Baş Dövlət Yol Polis İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov son vaxtlar vəzifəli şəxslərin, deputatların yol hərəkəti qaydalarını pozması haqda mətbuatda yayılan xəbərlərə münasibət bildirərkən deyib.
DYP rəsmisi bildirib ki, kimliyindən asılı olmayaraq hər kəs qanun qarşısında məsuliyyət daşıyır və xəta törədirsə vəzifəli şəxslər, deputatlar da məsuliyyətə cəlb edilir: “Yol hərəkəti haqqında qanunun tələblərinin pozulmasına görə nəzarət gücləndirilib və bu, hadisələrin azalmasına təsir göstərib. İlin əvvəlindən bu günə qədər istər Respublika, istərsə də Bakı şəhəri üzrə yol-nəqliyyat hadisələrinin bütün göstəricilərinə görə müsbətə dəyişiklik müşahidə edilir”.
V.Əsədov qeyd edib ki, yol-hərəkəti haqqında qanunun tələblərini pozanlara qanun tələbinə uyğun olaraq cərimə yazılır. Onun sözlərinə görə, cərimələrin tətbiq edilməsi kiminsə xoşuna gəlməyə bilər: “Hətta sıravi vətəndaşlar cərimə yazılan zaman aqressiya nümayiş etdirir. Onlar daha çox sərxoş vəziyyətdə olan sürücülərdir. Bəzən xanım sürücülər xanımlıqlarından istifadə edib, polis əməkdaşlarına qarşı sayğısızlıq edirlər. Bu cür münasibət xanımlara yaraşmır. Polis hər bir halda öz fəaliyyəti ilə nümunə göstərməyə hazırdır. Polislərin hər birində səs yazma qurğusu var. Üzbəüz dayanıb danışdığı şəxslə aralarında olan diskusiya qeydə alınır. Belə vasitələrin olduğu halda yol polisi əməkdaşının qanundankənar hərəkət etməsinə inanmıram. Polisə qarşı hər hansı qanunsuz hərəkət olarsa, qanunun tələblərinə uyğun olaraq həmin şəxs zərərsizləşdirirlir”.
Qeyd edək ki, bir neçə gün əvvəl Bakı Şəhər Dövlət Yol Polisi İdarəsinin əməkdaşları paytaxt ərazisində bahalı avtomobili saxlayaraq cərimə meydançasına aparıblar. Buna səbəb həmin avtomobillə bağlı xeyli miqdarda ödənilməyən cərimənin olmasıdır. Məlum olub ki, həmin avtomobil Milli Məclisin xanım deputatlarından birinə məxsusdur. (azvision)
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.