İtaliya millisinin qapıçısı Canluici Buffon sabah DÇ-2018-in seçmə mərhələsində İspaniyaya qarşı keçirəcəkləri oyundan danışıb.
Qol.az-ın İtaliya mətbuatına istinadən verdiyi xəbərə görə, “Skuadra Adzurra”nın kapitanı rəqibin meydana revanş üçün çıxacağını bildirib:
“Fransada keçirilən Avropa çempionatında biz ispanlara qarşı əla oyun sərgilədik. Sabah da həmin nəticəni təkrarlamağa çalışacağıq.
İspaniya yığması son məğlubiyyəti yaxşı xatırlayır. Bəlkə də həmin yenilginin əvəzini çıxmağa çalışacaqlar. Baxmayaraq ki, qitə birinciliyindən sonra bizim kimi İspaniya millisində də baş məşqçi dəyişikliyi olub.
İstənilən halda, bizi qarşıda çox gərgin 90 dəqiqə gözləyir. Bəlkə də bu, qrup birinciliyi baxımından həlledici görüş olacaq”.
Xatırladaq ki, sabah Turində keçiriləcək İtaliya - İspaniya görüşü Bakı vaxtı ilə 22:45-də start götürəcək.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.