Azərbaycan “Yalquzaq” snayper tüfənginin ixracını həyata keçirəcək.
AzeriDefence xəbər verir ki, bu barədə Müdafiə Sənayesi Nazirliyinin “Şərq” İstehsalat Birliyinin baş direktoru İlqar Nəzərov bildirib.
İ.Nəzərovun bir ölkə ilə snayper tüfənginin ixracına dair müqavilənin imzalandığını bildirib. Ölkənin adı açıqlanmayıb.
İxracla yanaşı, Sərhəd Qoşunlarından da ilk sifarişlər alınıb.
Müəssisə rəhbərinin sözlərinə görə, HP-7.62 hücum pulemyotuna da böyük maraq göstərilir. Daxili tələbat böyük olduğuna görə HP-7.62 pulemyotu üçün hələ ki ixrac müqaviləsi imzalanmayıb.
İ.Nəzərov qeyd edib ki, 7.62×51 mm “Yalquzaq” snayper tüfəngi bazardakı xarici analoqları ilə müqayisədə bir çox üstünlüklərə malikdir. “Bolt action” iş prinsipinə malik “Yalquzaq” snayper tüfəngi müxtəlif hava şəraitində istismar oluna bilir.
Daşınma rahatlığı və erqonomikası baxımından “Yalquzaq” xüsusi təyinatlılar və hava-desant qoşunları üçün ideal seçim hesab oluna bilər. “Yalquzaq” snayper tüfəngində Azərbaycan hərbi sənayesində ilk dəfə olaraq tətiyin tənzimlənməsi mexanizmi tətbiq edilib.
Bu da tətik mexanizminin sərtliyini, gediş məsafəsini atıcının rahatlığı üçün öncədən nizamlamağa imkan verir. Snayper tüfəngi 1000 metr məsafədə sərrast atışın aparılmasını təmin edir.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
