İspaniya La Liqasının son turunda "Real Sosyedad"a uduzan "Barselona" klubunda Lionel Messi ilə baş məşqçi Luis Enrike arasında yaşanan qalmaqal səngimək bilmir.
Qol.Az-ın "Cadena Cope" radiosuna istinadən verdiyi məlumata görə, bazarertəsi məşqə çıxmayan argentinalı futbolçu ilə gün ərzində əlaqə saxlamaq mümkün olmayıb.
Bu səbəbdən baş məşqçi L.Enrike Messini cəzalandırmaq qərarına gəlib. Lakin Xavi, İniyesta və Buskets cəzanın Messi ilə aralarındakı gərginliyi daha da dərinləşdirəcəyini əsas gətirərək təcrübəli mütəxəssisi fikrindən daşındırıblar. Bunu öyrənən Messi isə rəhbərliklə görüşərək onların qarşısına "ya mən, ya da Enrike" tələbini qoyub. Rəhbərliyin Messiyə baş məşqçinin qovulacağına dair söz verildiyi bildirilir.
Qeyd edək ki, "Real Sosyedad"la görüşdə (0:1) meydana sonradan daxil olan Messinin Enrikenin qərarlarından narazı qaldığı və bu səbəbdən komandanın son məşqində iştirak etmədiyi iddia olunur.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
