banner
banner

Gündəm

Azərbaycandan ekstradisiya olunmuş mafiya başçısı Ankarada tutulub

Azərbaycandan ekstradisiya olunmuş mafiya başçısı Ankarada tutulub
Türkiyədə 10 ildir, axtarışda olan mütəşəkkil cinayətkar dəstənin başçılarından biri Ankarada yaxalanıb.
 
APA-nın “Sabah”a istinadən verdiyi xəbərə görə, “Söyləməz qardaşları” adlı dəstənin başçısı Mehmet Sena Söyləməz Sincan rayonunda saxta Milli İstihbarat (Kəşfiyyat) Təşkilatının (MİT) vəsiqəsi ilə ələ keçib.
 
Hərbi həkim olan Mehmet Sena Söyləməz və istefada olan hərbçi Faysal Söyləməz qardaşlarının rəhbərlik etdiyi mafioz dəstə onlarla cinayətdə təqsirləndirilib. Onların və dəstənin digər üzvlərinin haqqında dəfələrlə həbs qərarı verilib.
 
Qeyd edək ki, dəfələrlə məhkum olunan Söyləməz qardaşları 2004-cü ildə İraqa qaçıblar. İş adamlarından təhdid yolu ilə pul topladıqları müəyyənləşən qardaşlar İraqda saxlanılsalar da, sonradan sərbəst buraxılıblar. İnterpol vasitəsi ilə axtarışa verilən Söyləməzlər daha sonra Azərbaycanda tutularaq, Türkiyəyə ekstradisiya ediliblər. Lakin Türkiyəyə göndəriləndən sonra müəmmalı şəkildə azadlığa buraxılıblar. Bundan bir müddət sonra isə barələrində yenidən axtarış elan olunub.
 
1996-cı ildən indiyədək üstü açılmayan müxtəlif cinayətlərdə şübhəli bilinən qardaşlardan biri Ankarada yaxalansa da, Faysal Söylməzin axtarışı davam edir.
cia.az


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.