BMT tərəfindən Yəməndə hərbi əməliyyatların bərpa olunmasına dair elan olunan 48 saatlıq atəşkəs başa çatıb və onun müddəti uzadılmayıb. Bunu bazar ertəsi jurnalistlərə təşkilatın baş katibinin rəsmi nümayəndəsi Stefan Düjarrik bildirib.
Onun sözlərinə görə, atəşkəs çoxsaylı qanun pozuntularına dair xəbərlərlə müşayiət olunub.
"48 saatlıq atəşkəs başa çatdı və uzadılmadı. Hər iki tərəf pozuntular, o cümlədən aviazərbələr və yerüstü toqquşmalar barədə məlumat verib. Görünən odur ki, silahlı münaqişə, təəssüf ki, bərpa olunub", - deyə Düjarrik bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.