ABŞ-ın yeni seçilmiş prezidenti Donald Tramp dövlət başçısı postunda öncə hansı işləri görəcəyini açıqlayıb. Novator.az-ın məlumatına görə, səlahiyyətlərinin icrasına 2017-ci il yanvarın 20-də başlayacaq Donald Tramp ilk 100 gün ərzində ABŞ-ın Trans-Sakit Okean Tərəfdaşlığı razılaşmasından çıxması üçün çalışacağını bəyan edib.
Regional azad ticarət zonasının yaradılmasını və müxtəlif sahələrdə işbirliyini nəzərdə tutan razılaşmanı 2016-cı ilin fevralında ABŞ, Kanada, Meksika, Peru, Çili, Avstraliya, Yeni Zelandiya, Yaponiya, Vyetnam, Malayziya, Sinqapur və Bruney imzalayıb. Yeni seçilmiş prezident ABŞ-ın bu qurumda iştirakının ölkəyə sərfəli olmadığını düşünür.
Donald Tramp ABŞ-da enerjidaşıyıcılarının istehsalına qoyulan məhdudiyyətlərin götürüləcəyini, bu sektorda yeni iş yerləri açılacağını bəyan edib.
Yeni seçilmiş prezident ilk 100 gün ərzində viza pozuntularının araşıdırılacağını, qanunsuz miqrasiyaya qarşı sərt mübarizəyə start veriləcəyini deyib.
O, vəzifədən gedən məmurlara ilk 5 il ərzində lobbiçilik fəaliyyəti ilə məşğul olmağı yasaqlayacağını bildirib. Məmurların başqa dövlətlər adından lobbiçiliyi isə tam qadağan olunacaq.
Qanunvericilik sisteminin təkmilləşdirilməsini vəd edən Donald Tramp ABŞ-ın kibernetik hücumlardan və başqa təhlükələrdən qorunması yönündə qəti addımlar atacağını da vurğulayıb.
1946-cı ildə Nyu-York ştatında doğulan Donald Tramp 1968-ci ildə Pensilvaniya Universitetinin Uorton Biznes Məktəbini bitirib, bütün karyerasını tikinti biznesinə həsr edib, milyarderdir.
1999-cu ildən Respublikaçılar Partiyasının üzvü olan Donald Tramp bu il iyul ayında qurumun prezidentliyə namizədi seçilib. Noyabrın 8-də keçirilmiş ümumxalq səsverməsində Donald Tramp Demokratlar Partiyasından rəqibi Hillari Klintonu məğlub edib. Yeni prezidentin andiçmə mərasimi gələn il yanvarın 20-də olacaq.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.