banner
banner

Gündəm

Moskvada Rövşən Lənkəranskinin son dayaqlarının axırına çıxırlar

Moskvada Rövşən Lənkəranskinin son dayaqlarının axırına çıxırlar

Moskva Şəhər Məhkəməsi andlılar kollegiyası iclasçılarının ittihamedici hökmünə əsasən Azərbaycanın beş vətəndaşını silahlı hücumlara və sahibkarların oğurlanmasına görə 13-dən 18 ilə qədər azadlıqdan məhrumetmə cəzasına məhkum edib.

Bu barədə Moskva Prokurorluğunun mətbuat xidməti məlumat yayıb.

Söhbət kriminal aləmdə "Dovşancığaz" ləqəbi ilə tanınan Zaur Əliyevin məşhur briqadasından gedir.

Məhkəmə tərəfindən müəyyən edilib ki, 2013-cü ilin avqustunda Zaur Əliyev Moskvada Anar və Elnur Yusubovlardan, həmçinin Namiq Qəmbərov və Anar Nəsirovdan ibarət banda yaradıb. Onun sərəncamında ən azı beş tapança, “Kalaşnikov” avtomatı, karabin və çoxsaylı döyüş sursatları olub. 2014-cü ilin avqustuna qədər cinayətkarlar həmyerliləri olan sahibkarlardan ümumi himayə adı altında külli miqdarda pul tələb edərək, razılaşmayacaları təqdirdə onlara divan tutacaqları ilə hədələyiblər.

Bac ödəməkdən imtina edən 4 biznesmen hücumlara məruz qalıb. 2014-cü ilin yanvarında silahlı təhdid altında biznesmenlərdən birinin 1,1 milyon rubl dəyərində “Mercedes-Benz”inin açarını və sənədlərini götürüblər. Sonradan həmin avtomobili saxta sənədlərlə N.Qəmbərovun tanışının adına qeydiyyata aldıraraq digər cinayətlərdə istifadə ediblər.

"2014-cü ilin iyulunda onlar zərərçəkənlərdən daha birini maşın dayanacağının ərazisindən oğurlamağa cəhd ediblər, amma onun fəal müqavimətinə görə istədiklərinə nail ola bilməyiblər. 2014-cü ilin avqustunda isə dəstənin üzvləri daha iki biznesmeni oğurlayaraq "Yeni Moskva”nın müxtəlif ərazilərində saxlayıb və yalnız qohumlar tərəfindən yığılmış 8,8 milyon rublu aldıqdan sonra azad ediblər", - deyə məlumatda vurğulanır.

Məhkəmə Moskva Prokurorluğu dövlət ittihamçısının mövqeyini nəzərə alaraq Z.Əliyevi 18, N.Qəmbərov, A.Yusubov, E.Yusubov və A.Nasirovu isə 13-dən 15 ilə qədər azadlıqdan məhrum edib. Onların hamısı cəzasını ciddi rejimli koloniyalarda çəkəcək. Məhkəmə, həmçinin onlara qarşı irəli sürülmüş 10,8 milyon rublluq mülki iddianı da təmin edib.

Qeyd edək ki, "Dovşancığaz" ləqəbli Zaur Əliyev Moskvada təxminən 15 il əvvəl peyda olub və Azərbaycan diasporasının kriminal dairələrində lider mövqe tutub. O buna öz dostu - nüfuzlu "qanuni oğru" Rövşən Lənkəranskinin dəstəyi ilə müvəffəq olmuşdu. Zaur Əliyev öz “patronu” Rövşən Lənkəranski ilə birlikdə başqa "qanuni oğru" Nadir Salifovla (Lotu Quli) münaqişəyə də girişmişdi. 2014-cü ilin dekabrında Lotu Qulinin adamları Zaur Əliyevə “bədən cəzası” verərək onun "qanuni oğru”dan üzr istəməsini tələb etmişdilər. Başqa sözlə, "Dovşancığaz"ı Lotu Quli qarşısında üzr istəməsindən əvvəl bir neçə saat döymüşdülər.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.