banner
banner

Sosİal

Nazir aksiya keçirən əlillərlə görüşdü

Nazir aksiya keçirən əlillərlə görüşdü

Bu gün saat 11 radələrində bir qrup əlil Əmək və Əhalinin Sosial Müdafiəsi Nazirliyinin qarşısında aksiya keçirməyə cəhd edib. Onlar hökumətdən kommunal şəraitlərinin yaxşılaşdırmasını tələb edib.
Əlillər virtualaz.org saytının nazirliyin qarşısında olan müxbirinə bildiriblər ki, Xırdalan şəhəri, H.Tağıyev küçəsi, 56 və 56a saylı ünvandakı əlillər evində yaşayırlar. Onların evinin yaxınlığında tikilən yeni binaya görə bir həftədir ki, işıqsız qalıblar.

“Gün ərzində mənzillərimizə qısamüddətli və zəif elektrik enerjisi verilir. Axşamlar isə ümumiyyətlə, işıqları söndürürlər” - deyə əlillər bildirdilər.

Əlilllərin kütləvi şəkildə nazirlik binasının qarşısına toplaşdıqlarını görən nazirlik işçiləri onları dərhal qəbul otağına dəvət etdilər. Hazırda əlillər nazirlik işçiləri tərəfindən dinlənilir.

Əmək və Əhalinin Sosial Müdafiəsi Nazirliyi mətbuat xidmətinin rəhbəri Elman Babayev virtualaz.org saytına bildirib ki, Xırdalandan gəlmiş bir qrup əlili nazir Səlim Müslümov qəbul edib. “Bu gün onsuz da qəbul günü idi. Nazir həmin əlilləri qəbul etdi, dinlədi. Əlillərin problemi yaşadıqları binadakı enerji problemi ilə əlaqədar idi. Nazir tikilməkdə olan obyektlərin müdriyyətinə tapşırıqlarını verdi. Tezliklə problemləri həll olunacaq. Ancaq onu da bildirim ki, bu problemin həlli başqa qurumlara aid idi” - deyə E.Babayev bildirdi.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.