banner
banner

Gündəm

Akif Çovdarovun oğlunu da həbs edəcəklər?

Akif Çovdarovun oğlunu da həbs edəcəklər?
Ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun oğlu Ruslan Çovdarovla bağlı hüquq mühafizə orqanlarına müraciətlər hazırlanır. Bu haqda politika.az saytı məlumat yayıb. General oğlunun iş adamlarından pulların alınması və çatdırılmasında iştirakının olması iddia edilir. 
 
Sitat: “Qaynağımız bildirir ki, Ruslan Çovdarov atasının işlərini həyata keçirib. General oğlu MTN-ə çatan vəsaitlərin çatdırılmasında iş adamları ilə birbaşa təmasa keçirmiş. Onun fəaliyyəti detallı şəkildə dövlət rəhbərliyinə göndərilib. İş adamlarının müraciətində başlarına gətirilən müsibətlər və oğul Çovdarovun rolundan danışılıb”. 
 
“Yeni Müsavat” əməkdaşı məsələ ilə bağlı Baş Prokurorluqla əlaqə saxlayıb. Qurumdan R.Çovdarovla bağlı hər hansı bir araşdırmanın aparılması haqda məlumat verilməyib.
Xatırladaq ki, A.Çovdarov ötən ilin noyabr ayında həbs edilib. Həmin vaxt Səbayel Rayon Məhkəməsi onun barəsində dörd ay müddətində həbs qətimkan tədbiri seçib. Sonradan həbs qətimkan tədbirinin vaxtı bir neçə dəfə uzadılıb. A.Çovdarov və MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə ittiham aktı ibtidai araşdırmaya prosessual rəhbərliyi həyata keçirən Azərbaycan Respublikasının Baş prokuroru tərəfindən təsdiq edilərək, sentyabrın 5-də aidiyyəti üzrə baxılması üçün məhkəməyə göndərilib.
cia.az


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.