“Ordunun silahlanmasına yeni artilleriya sistemləri daxil edilib” - Müdafiə Nazirliyinin idarə rəisi
"Düşmən tərəfin mövqelərinin ciddi nəzarətdə saxlanılması məqsədilə Azərbaycan ordusunun ön xətdəki hərbi bölmələri müasir gecəgörmə cihazları ilə təmin edilib".
APA-nın məlumatına görə, bunu Müdafiə Nazirliyinin Silah və Texnika İdarəsinin rəisi, polkovnik Yaqub Əhədov "Azərbaycan Ordusu" qəzetində dərc olunmuş məqaləsində yazıb.
Y. Əhədov bildirib ki, hazırda motoatıcı bölmələrin döyüş gücünü artırmaq məqsədilə hərbi birləşmələrin istifadəsində olan əl qumbaraatanları üçün döyüş dəstindən əlavə yeni növ döyüş sursatları paylanıb. O deyib ki, Azərbaycan Silahlı Qüvvələrində müasir silah və texniki avadanlıqların silahlanmaya qəbul edilməsi ardıcıl olaraq davam etdirilir və silahlanmaya yeni artilleriya sistemləri daxil edilib. Bölmələrin silahlanmasına 120 mm-lik 2S12 "Sani" minaatan kompleksləri, 220 mm-lik TOS-1A reaktiv qurğusu, 152 mm-lik "Msta-S" və 120 mm-lik 2S31 "Vena" özüyeriyən artilleriya qurğuları qəbul edilib. Bir hərbi birləşmə isə BMP-3 piyadaların döyüş maşınları ilə tam komplektləşdirilib.
"Bununla yanaşı, digər hərbi birləşmələrin də müasir silah-sursatla təchizatına ciddi əhəmiyyət verilir. Ötən ilin əvvəlindən hazırkı dövrədək hərbi bölmələrin yüksək döyüş hazırlığını təmin etmək məqsədilə hərbi birləşmələrdə istismara və bərpaya yararsız olan silah və zirehli texnikalar qeydiyyatdan silinərək yeniləri ilə əvəz olunub", - deyə polkovnik Y. Əhədov vurğulayıb. O qeyd edib ki, ötən il Heydər Əliyev adına Azərbaycan Ali Hərbi Məktəbində, Silahlı Qüvvələrin Təlim və Tədris Mərkəzində tədris prosesinin təkmilləşdirilməsi, hərbi hissələrdə təlim-məşq trenajorlarının hazırlanması nəticəsində maddi-texniki təminat sahələrinə cavabdeh olan zabit və gizirlərin hazırlığında əsaslı dönüş yaranıb
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
