Hələbin minlərlə dinc sakini, təxliyə planlarının gecikməsi səbəbilə getdikcə daha çox çıxılmaz vəziyyətə düşür.
Jurnalistlər hələblilərdən bəzilərinin şaxtalı havada küçələrdə yatdığını və ərzaqsız və ya daha az ərzağa sahib olduqlarını deyir.
Ləngimələr İdlibdə hökumətin nəzarət etdiyi iki rayondan dinc sakinlərin köçürülməsi ətrafında mübahisələrə görə baş verir.
Lakin Suriyanın dövlət mətbuatı yerli vaxtla günortaya yaxın köçürülməyə başlanılması üçün şərqi Hələbə daxil olduqlarını bildirib.
Xəbərə görə, təxminən 1,200 nəfər köçürüləcək.
Avtobuslar Beynəlxalq Qırmızı Xaç və Suriya Ərəb Qızıl Xaç təşkilatlarının nəzarəti altında Hələbə daxil olub, Sana informasiya agentliyi bildirib.
Dünya Səhiyyə Təşkilatının Suriyadakı nümayəndəsi Elizabeth Hoff bildirib ki, təşkilat köçün yerli vaxtla 14:00-da başlamasını gözləyib.
Britaniyada fəalliyyət göstərən Suriya İnsan Haqları Müşahidə qrupu bildirib ki, əvvəllər Nüsrə Cəbhəsi kimi bilinən Cəhbə Fətah əl-Şam qiyamçı qrupu avtobusların qarşısını kəsib.
Müxbirlər təxliyə barədə yeni razılaşmanın bazar günü səhər saatlarında əldə edildiyini deyir.
Hələbin şərqində qızı ilə mühasirə altında qalan müəllim, Abdulkafi əl-Hamdo BBC-ə telefonla bildirib ki, evini tərk etmək istəməyib, amma başqa şansı da olmayıb.
"Hava elə soyuqdur ki. Uşaqlar acından ağlayırlar. Donurlar.. qorxurlar ki, buradan çıxa bilməzlər. Bu, çox insanların burada hiss etdiyidir".
BMT səsverməsi
BMT-nin Təhlükəsizlik Şurasında keçirilən iclasda isə Fransanın BMT rəsmilərinin təxliyə cəhdlərinin müşahidə edilməsinə dair təklifi müzakirə ediləcək və səsvermə keçiriləcək.
Hərçənd ki, Suriya prezidentinin tərəfində olan Rusiyanın bu səsverməyə müqavimət göstərəcəyinə dair şübhələr yaranıb.
2011-ci ildən, Suriyada münaqişə başladıqdan bəri Moskva 6 qətnaməyə yox cavabı verib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.