Dərbəndin rəhbəri vəzifəsini müvəqqəti icra edən Yəhya Hacıyev postundan uzaqlaşdırılıb.
Axar.az “Kavpolit”ə istinadən xəbər verir ki, Yəhya Hacıyevin müavini Əli Xasbulatov Dərbəndin yeni icra başçısı təyin edilib.
Məlumata görə, Hacıyev bu gün komandasını toplayaraq onlara təşəkkür edib və vəzifəsindən getdiyini açıqlayıb.
Qeyd edək ki, bir müddət öncə Dərbənd meri Qurban Qurbanov Ramazan Abdullatipov tərəfindən vaxtından tez istefaya göndərilmişdi. Daha sonra bölgəyə Prezident Administrasiyasının rəhbəri Ramazan Aliyevi göndərən Abdullatipov Qurbanovun əsas dayaqlarını zəiflətməyi bacarmışdı.
Azərbaycanlı Yəhya Hacıyevin meri əvəz etdiyi müddətdə soydaşlarımız əsas vəzifələrdən kənarlaşdırıldı və yerlərinə ləzgi və avarlar gətirildi. Məlumata görə, hakimiyyətdə güvənilməyən və Q.Qurbanovun kadrı sayılan Y.Hacıyev demək olar ki, bu müddətdə heç nəyə müdaxilə edə bilməyib.
İndi isə Y.Hacıyevin özü də ləzgi Xasbulatovla əvəzlənib.
Dərbənddəki mənbələr Axar.az-a bildirdilər ki, Xaspulatov bu vəzifəyə təyin edilənə qədər azərbaycanlılar içərisində heç də mənfi imiclə tanınmayıb, əksinə, soydaşlarımız ona hörmətlə yanaşırlar.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.