Bakı Ağır Cinayətlər Məhkəməsində hakim Əfqan Hacıyevin sədrliyi ilə Rabitə və Yüksək Texnologiyalar Nazirliyinin Aparat rəhbəri olmuş Vidadi Zeynalov, “Aztelekom”un keçmiş rəhbəri Məhəmməd Məmmədov, “Bakı Telefon Rabitə” İstehsalat Birliyinin sabiq baş direktoru Beytulla Hüseynov və daha 8 nəfərin məhkəməsi davam edir. İstintaqın qənaətinə görə, məhkəmə önünə çıxarılan 11 nəfər toplam 153 milyon 143 min manatlıq mənimsəmə və israfetmə ilə dövlətə ziyan vurub.
Redaksiyamıza etibarlı mənbədən daxil olan məlumata görə, iş üzrə əsas təqsirləndrilən şəxslərdən biri olan “Bakı Telefon Rabitə” İstehsalat Birliyinin sabiq baş direktoru Beytulla Hüseynovun əmlakları üzərinə qoyulmuş həbs bir neçə gün əvvəl götürülüb.
B.Hüseynov sabiq milli təhlükəsizlik naziri Eldar Mahmudovun işdən azad olunmasından sonra saxlanılan rabitəçilərdəndir. Həbsindən sonra yayılan məlumatlara görə, Beytulla Hüseynovun “Bakı Telefon Rabitə” İstehsalat Birliyinin sabiq baş direktoru təyinatı da Eldar Mahmudovun şəxsi maraqları çərçivəsində gerçəkləşib. B.Hüseynov sabiq nazirin bibisi qızının həyat yoldaşıdır. Beytulla Hüseynovun bir qardaşı Ramiz Hüseynov MTN-in Bilgəhdəki sanatoriyasının direktoru, digər qardaşı Xeyrulla Hüseynli Xətai Rayon İcra Hakimiyyəti başçısının müavinidir. Hər 3 qardaş Eldar Mahmudovun himayəsi altında vəzifələrə təyin olunublar.
2015-ci ilin oktyabrında Eldar Mahmudovun vəzifəsindən qovulması ilə MTN-də başlanan həbslər qısa müddət sonra Rabitə və Yüksək Texnologiyalar Nazirliyinə sıçradı. O zaman ilk həbs olunanlardan biri də Beytulla Hüseynov oldu. Onun həbsinin əsas səbəbi kimi “MTN çetesi”nə ölkə rəhbərliyini qanunsuz dinləməkdə yardımçı olması göstərilirdi. Bildirilirdi ki, RYTN rəsmiləri “MTN çetesi”nin qanunsuz dinləmələri həyata keçirmələrini mümkün edən avadanlıqların müxtəlif rabitə-telekommunikasiya qovşaqlarında quraşrıdılmasına yardımçı olub, lazımi texniki dəstək veriblər.
İndi isə dövlətə 10 milyon manat ziyan vuran Beytulla Hüseynovun 50-yə yaxın mülkünün üzərindən həbs götürülüb. “Rabitəçilərin işi”ndə gözlənilməz dönüşün Eldar Mahmudovun səyləri və əlaqələrini işə salmasından qaynaqlandığı haqda ehtimallar var. B.Hüseynovu azadlığa aparan yolun üzərindəki dəmir qapıların açılmasında Eldar Mahmudovun rolunun olduğu deyilir. “Rabitəçilərin işi” üzrə çıxarılacaq hökmlə B.Hüseynovun şərti cəzaya məhkum ediləcəyi haqda da məlumat var.
Xatırladaq ki, bir müddət əvvəl Bakı Ağır Cinayətlər Məhkəməsində “Bakı Telefon Rabitəsi” İstehsalat Birliyinin (BTRİB) Nizami telefon qovşağının sabiq rəisi F.Seyidov və həmin birliyin baş mühasibi R.Məmmədovun cinayət işi üzrə məhkəmə prosesi başa çatıb. Hər iki şəxsə şərti cəza təyin edilib və onlar məhkəmə zalından azadlığa buraxılıb. Beytulla Hüseynovun da eyni üsulla azad ediləcəyi gözlənilir.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.