banner
banner

Gündəm

Dilqəm Əsgərovun atası iflic oldu

Dilqəm Əsgərovun atası iflic oldu
Kəlbəcərdə erməni işğalçıları tərəfindən girov götürülən Dilqəm Əsgərovun atası Qardaşxan Əsgərovun səhhəti pisləşib. Bu barədə azvision.az saytı kəlbəcərli girovun oğlu Kürdoğlu Əsgərova istinadən məlumat yayıb. Kürdoğlu Əsgərovun sözlərinə görə, babası hazırda həkim nəzarətindədir: 
 
“On gün idi ki, babam atamın adını çəkib, hönkür-hönkür ağlayırdı. Deyirdi ki, Dilqəmin vəziyyəti ağırdır, onu görmək istəyirəm. Artıq üç gündür ki, babamın vəziyyəti ağırdır. Həkimlər onun iflic olduğunu deyirlər. Əli, bədəninin bir hissəsi hərəkətsiz vəziyyətdədir. O, artıq danışdıqlarımızı da eşitmir. Hərdən atamın adını çəkir. Babam oğlunun yolunu gözləyir”.
 
Kürdoğlu Əsgərov sonuncu dəfə atasından dekabr ayında məktub aldıqlarını deyib.
 
Xatırladaq ki, 2014-ci ilin iyulunda Dilqəm Əsgərov doğulduğu və 1993-cü ildən Ermənistanın işğalı altında olan Kəlbəcər rayonunda anasının məzarını ziyarət etmək üçün həmyerlisi Şahbaz Quliyev və əslən Cəbrayıl rayonundan olan Həsən Həsənovla birlikdə Kəlbəcərə gedib. İyulun 11-də Ermənistanın işğalçı əsgərləri onların hər üçünü Kəlbəcərdə atəşə tutub. Həsən Həsənov qətlə yetirilib. Dilqəm Əsgərov və Şahbaz Quliyev isə girov götürülüblər. Həsən Həsənovun cəsədi bir müddət girov saxlandıqdan sonra Azərbaycan tərəfə təhvil verilib. Dilqəm Əsgərov barəsində qondarma “Dağlıq Qarabağ məhkəməsi” ömürlük, Şahbaz Quliyev barədə isə 22 il azadlıqdan məhrumetmə “hökmü” çıxarıb. Onların hər ikisi iki il yarımdır Şuşa türməsində qanunsuz girov saxlanılırlar. Azərbaycan hökumətinin Dilqəm Əsgərov və Şahbaz Quliyevi azad etmək üçün cəhdləri isə hələ ki nəticəsiz qalıb. 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.