Beşiktaş terrorunda sirli qadının rolu... - Fotolar
12 dekabr 2016-cı ildə İstanbulun Beşiktaş rayonunda, “Vodafon Arena”nın yaxınlığında törədilən terror aktı barədə yeni detallar üzə çıxıb.
Musavat.com-un məlumatına görə, terrorçuların hadisədən iki gün əvvəl stadionun ətrafında apardıqları kəşfiyyatın görüntüləri ortaya çıxıb. Görüntülərərdən məlum olur ki, dekabrın 6-da Tufan Beyhan avtomobil satın alır. Hazırda həbsdə olan Tufan Beyhan maşın sürə bilmədiyi üçün avtomobili ona satan şəxs sükana keçir və terrorçunu Bağcılar səmtinə aparır. Dekabrın 10-a qədər maşın heç bir kameraya düşmədiyib. Bu da onu göstərir ki, həmin müddətdə maşın bomba ilə yüklənib.
Dekabrın 10-da isə avtomobil Vətən prospektində ortaya çıxıb. Maşının qabaq oturacaqlarında iki kişi, arxa oturacaqda isə bir qadının oturduğu görünür. Daha sonra terrorçular stadionun ərtafında iki dəfə fırlanırlar.
Hadisə günü isə avtomobil Vətən prospektindən Eminönüyə, oradan da Karaköyə keçir. Sahil ilə hərəkət edən maşın Türkiyə vaxtı ilə saat 14:56-da stadionun yanına gəlir. Terrorçular günorta saatlarından axşam 20:10-a qədər kəşfiyyat aparırlar. Axşam isə qadın maşından düşərək "Maşka" parkına doğru irəliləyir və kameralardan itir. Daha sonra terrorçular maşını stadionu yuxarıdan görən bir kafenin yanında saxlayaraq kafeyə girirlər. Ehtimal edilir ki, terrorçular buradan stadionun ətrafındakı polisləri izləyiblər.
Terror anı: 22:30-da terrorçulardan biri maşından enir, digər terrorçu isə təxminən 6 dəqiqə sonra maşını partladır. Qaçan terrorçu isə polislərin diqqətinin çəkir. O, polislər yaxınlaşan vaxt üstündəki bombanı partladır. Özü havaya uçur, 5 polis isə şəhid olur.
Maşını satın alan, hazırda həbsdə olan Tufan Beyhanın hadisədən əvvəl maşından düşərək yoxa çıxan sirli qadınla görüşdüyü bildirilir. Tufan Beyhanın qadına dağdan enən terrorçulara şəhərdə bələdçilik etməsi barədə təlimat verdiyi qeyd edilir.
Qeyd edək ki, 2016-cı ilin 12 dekabrında “Vodafon Arena” stadionunun yaxınlığında “Beşiktaş”-”Bursaspor” oyununundan sonra polisləri hədəf alan iki partlayış baş vermişdi. Terror nəticəsində 44 nəfər həyatının itirmiş, 166 nəfər yaralanmışdı. Terror aktını PKK terror təşkilatı üstlənmişdi.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.