Ötən gün cəbhə xəttində baş verən atışma zamanı erməni əsgər yaralanıb.
ANS PRESS-in məlumatına görə, bu barədə Ermənistan mətbuatı yazıb. Bildirilib ki, erməni hərbi qulluqçu Ovannes Avanesyan yaralı vəziyyətdə İrəvanda hərbi hospitala çatdırılıb.
Hospitalın rəisi polkovnik Aram Asaturyan bildirib ki, cəbhənin Tavuş ərazisində yaralanan əsgərin vəziyyəti son dərəcə ağırdır: "Biz onun vəziyyətini sabitləşdirmək üçün mümkün olan hər şeyi edirik."
Onun sözlərinə görə, hərbi qulluqçu Ovannes Avanesyanın böyrəyindən və onurğasından ciddi zədə alıb.
Bəzi mətbuat orqanı Ermənistan hakimiyyətini sərt tənqid edib, belə hadisələrin, əsgər ölümünün və yaralanmasının gizlədilməsinin yolverilməz və məğlubiyyət kimi dəyərləndirib.
Qeyd edək ki, ermənilər 2015-ci ildə cəbhədə 12 nəfər itki verib, 20 hərbi qulluqçu isə yaralanıb. Ermənistan rəhbərliyi itkiləri ictimaiyyətdən gizlədir.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
