banner
banner

Gündəm

AzTA: Oyunlar dövründə qonaqların yerləşdirilməsi ilə bağlı problem olmayıb

AzTA: Oyunlar dövründə qonaqların yerləşdirilməsi ilə bağlı problem olmayıb

Bakıda keçirilən IV İslam Həmrəyliyi Oyunları dövründə hotellərdə qonaqların yerləşdirilməsi ilə bağlı heç bir problem yaranmadı və hotellər tərəfindən qonaqlara yüksək səviyyədə xidmət göstərildi.

Bunu Trend-ə Azərbaycan Turizm Assosiasiyası (AzTA) sədrinin müşaviri Müzəffər Ağakərimov bildirib.

Onun sözlərinə görə, oyunlar dövründə Bakıdakı bütün hotellərdə yerlər demək olar ki, dolmuşdu.

Azərbaycana gələn idmançıların daha çox Bakı ilə tanış olduqlarını söyləyən M.Ağakərimov qeyd edib ki, qonaqlar həm bələdçilər, həm də könüllülərin köməyi ilə paytaxtımızı gəzərək onun mədəniyyəti, tarixi ilə tanış olublar.

M.Ağakərimov qeyd edib ki, əvvəllər İrandan, ərəb ölkələrindən, xüsusilə İraqdan Azərbaycana gələn əcnəbilərin özləri ilə türkmən bələdçiləri gətirməsi halları müşahidə edilsə də, oyunlar dövründə gələn qonaqlar özləri ilə bələdçi gətirməyiblər:

"Hesab edirəm ki, əcnəbilərin özləri ilə bələdçi gətirməsi düzgün deyil. Çünki əcnəbi bələdçilər qonaqlara bizim abidələrimiz, tarixi yerlərimiz haqqında düzgün olmayan, fərqli məlumat verirlər. Digər tərəfdən, bələdçilərimizin sayı qonaqlara xidmət göstərmək üçün yetərli qədərdir".

Qeyd edək ki, mayın 8-dən 22-dək Bakıda IV İslam Həmrəyliyi Oyunları keçirilib.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.