Hazırlıq kurslarına qəbul abutiriyentləri hərbi xidmətdən azad edəcək?..
Parlamentin qəbul etdiyi və ali məktəblərə qəbul imtahanlarında müsabiqədən keçə bilməyən abituriyentlərin bir illik hazırlıq kurslarına cəlb edilməsini nəzərdə tutan qanun maraqlı məqamı gündəmə gətirib.
Hazırlıq kurslarına cəlb ediləcək orta məktəb məzunlarının hərbi xidmət məsələsi necə tənzimlənəcək?
Məsələ ilə bağlı Milli Məclisin Elm və təhsil komitəsinin üzvü Asim Mollazadə Cia.az-a açıqlamasında bildirib ki, “Təhsil haqqında” qanuna edilən dəyişiklikdə ali məktəblərin hazırlıq kurslarına cəlb ediləcək orta məktəb məzunlarının hərbi xidmət məsələsinin necə tənzimlənəcəyi ilə bağlı hər hansı bir maddə yoxdur.
“Onlar universitetlərdə təhsil almırlar axı. Ona görə də bu kurslarda təhsil alacaq orta məktəb məzunlarının yaşı həqiqi hərbi xidmət keçməyə uyğun gəlirsə yəni, həmin məzunların 18 yaşı tamamdırsa, onlar həqiqi hərbi xidmətə gedəcəklər. Yox, əgər uyğun gəlmirsə, onda həqiqi hərbi xidmətə getmiyəcəklər”.
Hərbi ekspert Üzeyir Cəfərov deyib ki, yəqin ki, “Təhsil haqqında” qanuna edilən dəyişikliyə görə Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) də rəyi alınıb.
“İndi ən böyük yük və çətinlik də məhz bu qurumun üzərinə düşəcək. Adi bir misal gətirmək istəyirəm. Tutaq ki, 20 min gənc oğlan SHXÇDX-nin yerlərdəki şöbələri tərəfindən əvvəlcədən tərtib edilmiş siyahılarda 2017-ci ilin oktyabr ayında həqiqi hərbi xidmətə gedəcək şəxslər kimi qeydiyyata alınıblar. Və 2017-ci ildə bu uşaqlardan müəyyən qismi ali məktəblərə qəbul olundular, yerdə qalanlar da gələn il ali təhsil almaq arzusunda olduqlarını bildirərək hazırlıq kurslarına yazıldılar. Bəs həqiqi hərbi xidmət borcunu yerinə yetirmək üçün o on minlərlə çağırışçı kontingenti necə və nəyin hesabına doldurulacaq? Onu da anlıyıram ki, indi durub deyə bilərlər ki, bizdə demoqrafik məsələdə hər hansı problem yoxdur və əsgəri borcunu yerinə yetirmək üçün kifayət qədər resurslarımız var. Onda ortalığa digər sual çıxır. Birdən-birə bu qanunun tətbiqi ortalığa hansısa boşluğu çıxara bilməzmi?”.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
