banner
banner

Sosİal

30 minə yaxın azərbaycanlı Rusiyanı tərk etdi

30 minə yaxın azərbaycanlı Rusiyanı tərk etdi

Federal Miqrasiya Xidməti xüsusən özbək miqrantların Rusiyanı kütləvi şəkildə tərk etdiyini bildirir. Statistikaya görə ötən ilin ikinci yarısında Rusiyanı 364 min Özbəkistan vətəndaşı tərk edib və geri qayıtmayıb.

Tacikistan vətəndaşları da Rusiyanı kütləvi tərk edir. Məlumata görə göstərilən dövr ərzində 178 min tacik Rusiyadan gedib.

Rusiyanı tərk edən və geri qayıtmayan azərbaycanlı miqrantların sayı isə 28 min nəfərdən çoxdur. Bu, ötən ilin ikinci yarısına olan statistikadır və yanvarın əvvəllərindən bəri Rusiyanı tərk edən miqrantların sayını əks etdirmir. Hansı ki, dekabrın sonları-yanvarın əvvəllərindən başlayaraq miqrantların Rusiyanı tərk etməsi daha kütləvi xarakter alıb.

Rusiyada yanvarın 1-dən qüvvəyə minmiş qaydalara görə miqrantlar bu ölkədə işləmək üçün ödənişli lisenziya almalıdır. Həmçinin Rusiyada işləmək və yaşamaq icazəsi almaq üçün rus dilindən imtahan vermək tələb olunur.

Nəticədə bir çox keçmiş sovet respublikalarından olan miqrantlar üçün Rusiyada qalıb işləmək iqtisadi baxımdan səmərəsiz olub. Çünki əmək miqrantının orta aylıq qazancı iş lisenziyası almağa, mənzil kirayəsini ödəməyə və gündəlik tələbatını ödəməyə güclə bəs edir, yaxud ümumiyyətlə, bəs etmir.

Rublun kəskin ucuzlaşması da əmək miqrantlarının Rusiyada qazandıqları pulların dəyərdən düşməsinə səbəb olub. Nəticədə onlar kütləvi şəkildə öz vətənlərinə geri dönürlər.

Miqrantların Rusiyadan kütləvi çıxması bəzi iri şəhərlərdə küçələrin qardan və zibildən təmizlənməsində əməlli-başlı problem yaradıb. Çünki bu ağır işlə əsasən özbək və tacik miqrantlar məşğul olurdu. Həmçinin miqrantlar tikinti sahələrini kütləvi tərk edir.

Analitiklərin qənaətinə görə, əmək miqrantlarının Rusiyanı kütləvi şəkildə tərk etməsi bəzi keçmiş sovet respublikalarında, xüsusən Özbəkistan, Tacikistan, Qırğızıstan və Ermənistanda ciddi sosial gərginlik yaradacaq. Çünki yüz minlərlə əmək miqrantının geri qayıtması bir tərəfdən həmin ölkələrə Rusiyadan pul göndərilməsini kəskin azaldıb.

Digər tərəfdən, öz ölkələrinə geri qayıdan miqrantlar üçün iş tapmaq imkanları olduqca məhduddur. Rusiyadakı tacik miqrantların öz yaxınlarına göndərdiyi pullar Tacikistanın ümumi daxili məhsulunun az qala 50 faizini təşkil edir, Ermənistanda isə bu rəqəm 15 faizdir.

Özbəkistan iqtisadiyyatı da Rusiyadan göndərilən pullardan ciddi ölçülərdə asılıdır. Bu sahədə ən az asılılıq Azərbaycandadır və hələlik azərbaycanlı miqrantların geri dönməsinin iqtisadiyyata ciddi təsirləri hiss olunmur.(virtualaz.org)



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.