banner
banner

Sosİal

Azərbaycanda süni mayalanma halları artıb

Azərbaycanda süni mayalanma halları artıb

"Azərbaycanda son zamanlar süni mayalanma halları artıb. Ancaq bu, valideynlərin istəyi ilə deyil, sonsuzluq hallarının artması ilə izah edilir".

Trend-in məlumatına görə, bunu Elmi Tədqiqat Mamalıq və Ginekologiya İnstitutunun Hamilələrin patologiyası şöbəsinin müdiri Zinyət Muradova ölkədə antenal qulluğun təşkilinə dair keçirilən tədbirdə çıxış edərkən deyib.

Sonsuzluğun səbəblərinin müxtəlif olduğunu deyən Z.Muradova sonsuzluq hallarınln baş verməsində kişi faktorlarının da üstünlük təşkil etdiyini söyləyib.

Z.Muradova deyib ki, antenatal qulluğun keyfiyyəti gəlişlərin və aparılan profilaktik tədbirlərin sayı ilə deyil, göstərilən yardımın keyfiyyəti, hamiləliyin gedişinə nəzarət, vaxtında həkimə müraciətin edilməsi, ailə üzvlərinin hamiləliyin gedişi barədə məlumatlılığı, yaxınlarının hamilələrə fiziki, mənəvi dəstəyinin səviyyəsi və s. ilə müəyyən olunur.

Onun sözlərinə görə, bütün hamiləlik boyu qadının 1 tibb işçisinin nəzarəti altında olması məqsədəuyğundur. Hamiləliyin fizioloji gedişi zamanı hamilə qadının tibb müəssisəsinə 7 gəlişinin ( hamiləliyin 12-ci həftəsinə qədər, 18-20-ci, 26-28, 30-32, 34-36, 38-ci, 40-cı həftəsində) olması tövsiyə olunur.

Z.Muradova deyib ki, hamiləliyi ağırlaşdıran faktorlar 1 necə qrupa bölünür. Bu sıraya sosial-bioloji faktorlar, yəni yaşı 18-dən aşağı, 40-dan yuxarı olan hamilələr, atanın yaşının 40-dan çox olması, zərərli vərdişlər və s. aiddir: " Bu faktorlar sırasına mama-ginekoloji anamnez amili də aiddir. Burada söhbət doğuşların sayı 4 və daha çox hamilə qadınlardan, təkrari və ya fəsadlaşmış abortlardan, uşaqlığın inkişaf qüsuru olan hamilə qadınlardan, sonsuzluqdan, induksiya olunmuş hamiləlikdən, uşaqlığa cərrahi müdaxilənin edilməsindən, inkişafdan qalmış hamiləlikdən və s. gedir. Hamiləliyi ağırlaşdıran faktorlara ekstragenital xəstəliklər- hipertenziya, ürək-damar xəstəlikləri, hemostaz pozğunluqları, qaraciyər xəstəlikləri, psixi xəstəliklər, epilepsiya, onkoloji xəstəliklər, HİV infeksiyası və s. aiddir".

Cia.az



Daha tez məlumatlanmaq üçün Facebook səhifəmizi




Oxşar xəbərlər

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.

Qaz limiti ilə bağlı ŞAD XƏBƏR - Sərfiyyat minimuma enəcək

Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.