banner
banner

Sosİal

Cəlilabadda sürüşmə zonaları aktivləşib

Cəlilabadda sürüşmə zonaları aktivləşib

Son günlər yağan intensiv yağışlar Cəlilabad rayonundakı sürüşmə zonalarında aktivliyi artırıb.

Son günlər rayonda aramsız yağışların yağması nəticəsində Cəlilabad - Yardımlı avtomobil yolunun Pərdi kəndi ərazisindən keçən hissəsində yolda yeni çatlar əmələ gəlib.

Torpaq sürüşməsi ətraf ərazidəki qəbiristanlıq və yaşayış evləri üçün də təhlükə yaradıb. Kənd sakinlərinin sözlərinə görə, yol boyu sürüşmə aktivliyi hər gün bir neçə santimetr artır. Odur ki, yolda yük avtomobillərinin hərəkətində çətinliklər də yaşanır. Belə ki, yüklə dolu avtomobillər daha çox sürüşmə zonalarında yolun kənarından keçməyə çalışırlar ki, bu da qəza riskini artırır. Qumla dolu yük maşınlarından biri məhz həmin yolda qəzaya uğrayaraq aşıb, sürücü isə yüngül xəsarətlə qurtulub.

Yerli sakinlərin dediyinə görə, qarşıdakı günlərdə intensiv yağışlar olarsa, ərazidəki torpaq sürüşməsinin miqyası daha da genişlənə bilər.

Qeyd edək ki, Cəlilabad-Yardımlı yolu Yardımlı ilə yanaşı Cəlilabadın 40-a yaxın kəndini rayon mərkəzi ilə birləşdirir.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.