Albaniyanın baş naziri Edi Ramanın qardaşı Olsi Rama AVRO-2016-nın seçmə mərhələsində Serbiya-Albaniya oyunu zamanı həbs edilib.
APA-nın “Gazeta.ru”-ya istinadən verdiyi xəbərə görə, “Partizan” stadionunun VİP lojasından oyunu izləyən Olsi Rama stadiona kiçik pilotsuz təyyarə ilə buraxılmış Albaniya milli azadlıq ordusunun bayrağı ilə bağlı insidentin təşkilində şübhəli bilinir.
Polisin məlumatına görə, bayraq yaxınlıqdakı kilsənin damından buraxılıb, Olsi Rama isə onu VİP lojasından birbaşa idarə edib.
Qeyd edək ki, Albaniya milli azadlıq ordusunun bayrağı meydançaya Serbiya-Albaniya oyununun birinci hissəsinin sonunda buraxılıb. Nəticədə hər iki komandanın oyunçuları arasında dava düşüb. Oyun yarımçıq dayandırılıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.