banner
banner

Dünya

Bu il Aralıq dənizində 2900-dən çox insan həlak olub

Bu il Aralıq dənizində 2900-dən çox insan həlak olub

Mərkəzi qərargahı İsveçrənin Cenevrə şəhərində yerləşən Beynəlxalq Miqrasiya Təşkilatının (BMqT) məlumatına əsasən, bu il Aralıq dənizində həlak olan miqrantların sayı 2925 nəfərə çatıb.

Qışın yaxınlaşması ilə əlaqədar Avropaya yetişməyə can atan miqrantların sayı çoxaldığından son həftələrdə xilasetmə əməliyyatlarının sayı artıb. Belə ki, son günlərdə təxminən 2600 nəfər sahil mühafizəsi və xilasetmə dəstələri tərəfindən xilas edilib.

Təşkilatın nümayəndəsi Flavio Di Cakomo mətbuata verdiyi açıqlamada bildirib ki, ötən ilin eyni dövründə Aralıq dənizində həlak olan miqrantların sayı daha çox, təxminən 3200 nəfər olub.

Bu il ərzində 154 mindən artıq miqrant Avropaya yetişmək üçün təhlükəli dəniz yolu səfərini seçiblər. 2016-cı ildə isə bu rəqəm 337 min nəfər təşkil edib.

Qaçqınların böyük əksəriyyəti İtaliya sahillərinə çatmağa cəhd edib, dörddəbir hissəsi isə Yunanıstan, Kipr və İspaniya sahillərinə üz tutub. Onların əksəriyyəti Qərbi Afrika ölkələrinin sakinləridir.

 


Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.