Rusiyanın “Anji” klubunun keçmiş sahibi Süleyman Kərimov həbs olunub. 51 yaşlı siyasətçi Nitsa Fransa polisi tərəfindən saxlanılıb.
“Süleyman Kərimov bazar ertəsi axşam saatlarında Nitsa aeroportundan saxlanılıb. Onu polis bölməsinə aparıblar. Konsulluğun əməkdaşları əvvəlcə hava limanına yollanıblar, daha sonra isə polis bölməsində Kərimovla görüşməyə nail olublar. Biz daim yerli hakimiyyətlə əlaqədəyik və onun azadlığa buraxılması üçün əlimizdən gələni edirik” - deyə Kərimovun nümayəndəsi bildirib.
Qeyd edək ki, Kərimov 2016-cı ilin dekabrında yerini Osman Kadiyevə verməklə “Anji”dən ayrılıb.
Əlavə edək ki “Forbes”in son siyahısında Süleyman Kərimov rusiyalı milyarderlər arasında 21-ci pillədə qərarlaşıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
