banner
banner

Dünya

52 faiz Avropa İttifaqına, 43 faiz NATO-ya hə deyir

52 faiz Avropa İttifaqına, 43 faiz NATO-ya hə deyir

Ukraynanın “Reytinq” sosioloji qrupu ölkənin Avropa İttifaqı və NATO-ya üzv olmaq niyyətinə münasibəti araşdırıb.

Novator.az xəbər verir ki, sorğunun nəticələrinə görə, Ukraynanın Avropa İttifaqına üzvlüyü ilə bağlı mümkün referendumda respondentlərin 52%-i bu təşəbbüsü dəstəkləməyə hazırdır.

Sorğu iştirakçılarının 27%-i bu təşəbbüsə qarşı çıxdığını, 20%-i isə hələ qərar vermədiyini və ya səsvermədə iştirak etmək istəmədiyini vurğulayıb.

Sorğuya əsasən, son 3 ildə Ukraynada NATO-ya üzvlük tərəfdarlarının sayı 1,5 dəfə artıb. NATO tərəfdarlarının sayının artaraq 43%-ə çatdığı bilinib.

Respondentlərin 34%-i NATO-ya üzvlüyün əleyhinə çıxıb.

Rəyi soruşulanların 25%-i ya bununla bağlı qərar qəbul etmədiyini, ya da referendum keçirələrsə, ona qatılmayacağını deyib.

Sorğu 2017-ci il dekabrın 12-dən 28-nə qədər 30 min respondent arasında aparılıb.

1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan. Böyük Britaniya qurumdan çıxmaq üzrədir.

Ukrayna assosiasiya sazişi və azad ticarət müqaviləsi ilə Avropa İttifaqına bağlıdır.

1949-cu ildə yaradılmış NATO-ya 29 ölkə daxildir: ABŞ, Kanada, Türkiyə, İslandiya, Almaniya, Belçika, Norveç, Bolqarıstan, Böyük Britaniya, Çexiya, Danimarka, Estoniya, Fransa, Xorvatiya, İspaniya, İtaliya, Latviya, Litva, Lüksemburq, Macarıstan, Monteneqro, Niderland, Polşa, Portuqaliya, Rumıniya, Slovakiya, Sloveniya, Yunanıstan, Albaniya.

2017-ci ildə Ukrayna parlamenti ölkənin NATO-ya üzv olmaq niyyətini nəzərdə tutan qanun qəbul edib.

 


Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.