banner
banner

İdman

Bu gün “Yuventus” və “Real” üz-üzə gələcək

Bu gün “Yuventus” və “Real” üz-üzə gələcək

Bu gün futbol üzrə Çempionlar Liqasında (ÇL) 1/4 final mərhələsinin ilk oyunları start götürəcək.

“Report” xəbər verir ki, ilk oyun günündə biri İtaliyada, digəri isə İspaniyada olmaqla iki matç baş tutacaq.

Turində yarışın ötənilki finalçıları – “Yuventus”la “Real Madrid” qarşılaşacaq. “Qoca sinyora” 1/8 finalda İngiltərə təmsilçi “Tottenhem”i mübarizədən kənarlaşdırdığı halda, “Kral klubu” Fransa çempionu PSJ-nin yolunu kəsib.

Meydan sahiblərinin heyətində Mehdi Benatiya və Miralem Pyaniç cəza, Federiko Bernardeski isə zədə üzündən meydana çıxa bilməyəcək. Aleks Sandro ilə Mario Mancukiçin durumu isə sual altındadır. “Real Madrid” düşərgəsində ciddi itki yoxdur. Yalnız zədəli Naçonun oynayıb-oynamayacağı dəqiq bilinmir.

Günün digər qarşılaşması Əndəluziyada “Sevilya” ilə “Bavariya” arasında olacaq. Avropa Liqasındakı nailiyyətləri ilə ad çıxaran meydan sahibləri anoloji uğuru qitənin ən nüfuzlu klub turnirində də qazanmaq istəyirlər. Sonuncu dəfə 2012/13 mövsümündə ÇL-in qalibi olan münhenlilər isə növbəti dəfə kuboku muzeylərinə aparmağı hədəfləyiblər.

İspanlar 1/8 finalda İngiltərə təmsilisi “Mançester Yunayted”dən güclü olublar. Almanlar isə Türkiyə çempionu “Beşiktaş”ı üstələyiblər.

“Sevilya”da Ever Baneqa cəzalı, Xesus Navas izə zədəlidir. “Bavariya” isə uzum müddətdir zədəli olan Manuel Noyerlə Kinqsli Komanın xidmətindən yararlana bilməyəcək.

Qeyd edək ki, 1/4 final mərhələsinin digər iki ilk oyunu aprelin 4-də keçiriləcək. “Liverpul” “Mançester Siti”ni, “Barselona” isə “Roma”nı qəbul edəcək.

Çempionlar Liqası, 1/4 final, ilk oyunlar

3 aprel

22:45. “Yuventus” (İtaliya) – “Real Madrid” (İspaniya)

Baş hakim: Cüneyt Çakır (Türkiyə)

22:45. “Sevilya” (İspaniya) - “Bavariya” (Almaniya)

Baş hakim: Daniele Orsato (İtaliya)

 


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.