banner
banner

Gündəm

Bakı Hacıbala Abutalıbovsuz qaldı

Bakı Hacıbala Abutalıbovsuz qaldı

Abutalıbov 2000-ci ilin yanvar ayından 2001-ci ilin yanvar ayına qədər də baş nazirinin müavini vəzifəsində çalışıbmış

Prezident İlham Əliyev Azərbaycan Respublikası Nazirlər Kabinetinin yeni tərkibi haqqında sərəncam imzalayıb. Prezident komandasında mühüm dəyişiklər edib. Təyinatlardan biri də Bakı Şəhər İcra Hakimiyyətini başçısı (artıq sabiq-red.) Hacıbala Abutalıbovla bağlıdır. Belə ki, H.Abutalıbov baş nazirin müavini vəzifəsinə təyin olunub.

Musavat.com xəbər verir ki, bu, Hacıbala Abutalıbovun artıq Bakı Şəhər İcra Hakimiyyətinin başçısı olmaması deməkdir.

Bir neçə gün öncə musavat.com Hacıbala Abutalıbovun BŞİH başçısı vəzifəsindən azad ediləcəyi haqda proqnoz vermişdi. Bu gün səhər saatlarından isə H.Abutalıbovun tələm-tələsik kabinetində yır-yığış edib oranı tərk etməsi haqda məlumatlar yayılırdı.

Hacıbala Abutalıbovun BŞİH başçısı vəzifəsində azad edilməsi paytaxt təsərrüfatı sistemində böyük dəyişiklik deməkdir. 
İndi maraqlı olan odur ki, Bakı Şəhər İcra Hakimiyyətinin yeni başçısı kim olacaq.


Xatırladaq ki, bu posta gəlmək üçün bir neçə şəxsin iddiası olmasına dair ötənlərdə mediada xeyli yazılar dərc edilib. Amma yeni BŞİH rəhbəri tam sürpriz bir ism də ola bilər.

Xatırladaq ki, Abutalıbov Hacıbala İbrahim oğlu 1944-cü il mayın 13-də Türkmənistanın Krasnovodsk şəhərində anadan olmuşdur. 1965-ci ildə Azərbaycan Dövlət Universitetinin fizika-riyaziyyat fakültəsini bitirmişdir.Əslən Naxçıvan Muxtar Respublikası Ordubad rayonundandır.

O, 1995-ci ilin fevral ayından 2000-ci ilin yanvar ayınadək Suraxanı Rayon İcra Hakimiyyətinin başçısı olub.

2000-ci ilin yanvar ayından 2001-ci ilin yanvar ayına qədər Azərbaycan Respublikası Baş nazirinin müavini vəzifəsində çalışıb.

2001-ci ilin yanvar ayında Bakı Şəhər İcra Hakimiyyətinin başçısı vəzifəsinə təyin edilmişdi. Bu postda o, 17 il çalışıb.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.