İraq ordusu Səlahəddin vilayətində İŞİD qruplaşmasına qarşı təzyiqləri artırıb. ANS PRESS-in məlumatına görə, ən son döyüşlərdə ordu qüvvələri 90 rayonu silahlılardan təmizləməyə nail olub. Döyüşlər zamanı İŞİD üzvlərinə qarşı iriçaplı silahlardan istifadə olunub.
Ordu qüvvələri, eyni zamanda, vacib strateji əhəmiyyətə malik olan Tikrit şəhərini 3 tərəfdən mühasirəyə alıb. Əməliyyatlara İraq hərbi hava qüvvələri də dəstək verib. Qırıcılar silahlıların mövqelərini bombalayıblar. Əməliyyatçılar, 100 girovu xilas etməyə nail olublar.
Tikrit şəhəri ötən ilin iyun ayında İŞİD silahlıları tərəfindən zəbt olunmuşdu.
İŞİD-ə qarşı əməliyyatlar martın 2-sində başlayıb. Ümumilikdə, döyüşlərə 30 mindən çox əsgər cəlb olunub. Məlumata görə, İran hərbi rəhbərliyi də əməliyyatlara dəstək olur.
Amerika Birləşmiş Ştatları İranın döyüşlərə cəlb olunmasına görə narahatlığını bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.