Azərbaycanda əcnəbilər və vətəndaşlığı olmayan şəxslərin son siyahısı aşıqlanıb.
APA-nın məlumatına görə, Azərbaycan hökumətinin 2014-cü il üzrə hesabatında bildirilir ki, ölkədə 199 366 nəfər əcnəbi və vətəndaşlığı olmayan şəxs var.
Ötən il ərzində 37 608 əcnəbi və vətəndaşlığı olmayan şəxs tərəfindən ölkə ərazisində olma, müvəqqəti və daimi yaşama qaydalarına əməl edilməməsi, habelə etibarsız sənədlərlə yaşama hallarına görə inzibati qanunvericiliyin tələblərinin pozulması müəyyən olunub. Onlardan əsas olduğu üçün 3306 nəfərin ölkə ərazisində yaşamaları leqallaşdırılıb, 27 683 nəfərin 48 saat ərzində ölkə ərazisini tərk etməklə, 6431 nəfərin isə inzibati qaydada ölkə hüdudlarından kənara çıxarılma və girişinə məhdudiyyət qoyulma ilə bağlı Dövlət Miqrasiya Xidmətinin müvafiq qərarlarının icrası təmin edilib.
Qeyd edək ki, hökumətin illik hesabatı martın 17-də Milli Məclisdə müzakirəyə çıxarılacaq.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.