Azərbaycanın geri qaytardığı erməni ailəsinə qarşı cinayət işi
Ermənistan Milli Təhlükəsizlik Xidməti (MTX) 2010-cu ildə könüllü olaraq Azərbaycan tərəfinə keçmiş, 2014-cü ildə isə geri qaytarılmış Gevorkyanlar ailəsinə qarşı cinayət işi qaldırıb. "Report" "Arminfo"ya istinadən xəbər verir ki, MTX-nın mətbuat xidmətinin məlumatına görə, cinayət işi Ermənistan Respublikası Cinayət Məcəlləsinin 329-cu maddəsinin 1-ci hissəsinə (Müvafiq sənəd və icazə olmadan Ermənistan sərhədlərini keçmək) əsasən qaldırılıb. Maddə maksimum 3 ilədək azadlıqdan məhrumetmə cəzası nəzərdə tutur. İş üzrə Yegişe və Ruzanna Gevorkyanlar cütlüyü təqsirləndirilirlər. Qeyd edək ki, bir ailənin üzvü olan Ermənistan vətəndaşları Yegişe, Ruzanna, Alfred, Qayane və Petros Gevorkyanlar 2010-cu ilin yanvar ayında könüllü şəkildə Azərbaycanın Naxçıvan Muxtar Respublikası ərazisinə keçiblər. 2014-cü ilin dekabrında isə Azərbaycan Beynəlxalq Qırmızı Xaç Komitəsinin vasitəçiliyi ilə erməni ailəsini ölkəsinə geri qaytarıb.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
