banner
banner

Gündəm

Polislər azərbaycanlı ailəni Almaniyadan qovdu

Polislər azərbaycanlı ailəni Almaniyadan qovdu

Mayın 28-nə keçən gecə Almaniyanın Deggendorf şəhərindəki miqrantlar üçün Bavariya tranzit mərkəzində alman polisi xüsusi əməliyyat keçirib, 4 nəfərdən ibarət azərbaycanlı ailəni və Syerra-Leonedən olan 6 nəfəri ölkədən qovub.

Virtualaz.org xəbər verir ki, miqrantlara qarşı əməliyyata Aşağı və Şimal Bavariya torpaqlarının polis idarələrinin əməkdaşları, həmçinin polis xüsusi təyinatlıları cəlb ediliblər.

Mənbə bildirir ki, polisdən əməliyyatın keçirilməsini və miqrantların həbs edilərək deportasiya olunmasını Almaniyanın Miqrasiya və qaçqınlar üzrə Federal idarəsi xahiş edib. Aşağı Bavariyanın polis qərargahının mətbuat katibi Yohan Lankes jurnalistlərə deyib ki, azərbaycanlılar və afrikalılar Almaniyaya gəldikləri Avropa ölkələrinə geri göndəriləcəklər, belə ki, miqrasiya ilə bağlı Avropa sazişinə əsasən, qaçqınlar sığınacağı yalnız ilk gəldikləri Avropa İttifaqı ölkəsindən istəyə bilərlər. Başqa sözlə, azərbaycanlı ailə və altı afrikalı müvafiq olaraq İtaliyaya və Slovakiyaya deportasiya ediləcəklər.

Polis əməkdaşları xüsusi təyinatlıların müşayiəti ilə gecə saat 4-ün yarısı Qaçqınlar üçün tranzit mərkəzinə daxil olduqları zaman miqrantlar onlara müqavimət göstəriblər. İki afrikalı polisdən qaçıb gizlənməyə macal tapıb, digərləri isə saxlanılıblar. Yalnız 7 və 10 yaşlı uşaqları olan azərbaycanlı ailə heç bir hadisə törətmədən polisə təslim olub. Alman qəzeti yazır ki, hazırda azərbaycanlı ailəni İtaliyaya deportasiyaya hazırlayırlar.

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.