Mikrorayonlarda və Biləcəri dairəsində də hərəkət dəyişdiriləcək
Mikrorayonlarda və Biləcəri dairəsində hərəkətin təşkilində dəyişikliklər ediləcək.
Bunu Trend-ə Bakı Nəqliyyat Agentliyinin İctimai əlaqələr və maarifləndirmə şöbəsinin müdiri Mais Ağayev deyib.
O bildirib ki, 3-cü və 4-cü mikrorayonlarda, "Memar Əcəmi" metro stansiyası yaxınlığında və Biləcəri dairəsində də hərəkətin təşkilində müəyyən dəyişikliklər ediləcək:
“Bu ərazilərdə nəqliyyat sıxlığı və xaotik hərəkət müşahidə olunan, bir-biri ilə əlaqəli yolayrıcıların (dairəvi hərəkət olan) svetoforla nizamlanması, dairənin həndəsi ölçülərinə dəyişikliklər edilməsi, dairəyə yaxın yerləşən dayanacaq məntəqələrinin köçürülməsi və nəqliyyat axınının kanallaşdırılması nəzərdə tutulub”.
Qeyd edək ki, Fəzail Bayramov küçəsində də hərəkət dəyişdiriləcək. Bu küçədə geriyədönmə yerini təşkil etməklə sürücülərin Yusif Səfərov küçəsinə çıxış imkanı asanlaşacaq və yeni inşa edilən yolun funksionallığı artacaq.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.