Qazağın icra başçısına ittiham - “Meşəni qırdırır”
Qazax rayon sakini Azər Məmmədli “Yeni Müsavat” qəzetinə müraciət edərək, rayonda 54 hektar meşə sahəsinin məhv edilməsi ilə bağlı məlumat verib. Şikayətçi bildirib ki, müvafiq qurumlara müraciət edib, kömək ala bilməyincə, məsələni ictimailəşdirmək qərarına gəlib. O, şikayətini geniş formada aşağıdakı kimi bildirib:
“Bildirmək istəyirəm ki, 1969-cu ildə mərhum prezident Heydər Əliyevin təşəbbüsü ilə salınmış 54 hektar meşə sahəsinin (25 mindən çox ağac var) artıq yüzlərlə ağacı qırılıb. Meşənin Qazax bələdiyyəsinin mülkiyyətinə heç bir aidiyyəti olmasa da Qazax bələdiyyəsi tərəfindən ”Turan bank"da hesab açılıb və hər sotunu 800 manatdan vətəndaşlara satmaq adı ilə hesaba pul köçürülür. Torpağın satılmasına və vətəndaşlar tərəfindən hesaba köçürülən pullara birbaşa Qazax Rayon İcra Hakimiyyətinin başçısı Rəcəb Babaşov nəzarət edir.
“Turan bank”a pulların köçürülməsi tam qeyri-qanunidir və mənimsənilir. Sənədləşməni isə guya 6 aydan sonra edəcəklər. Məsələ ilə bağlı müvafiq qurumlara müraciət etmişəm. Müraciətlərimdən sonra icra başçısı ayrı-ayrı vətəndaşları qəbul edərək hədə-qorxu gəlib və mənə qarşı müxtəlif şikayət məktubu yazdırıb. Həmçinin o, məni tutdurmaqla da hədələyib. Qeyd etdiyim meşədən başqa, Qazax şəhərində ümumi istifadədə olan torpaq sahələrini 100-ə yaxın vətəndaşa satmaq adı ilə yenə də pul mənimsəyiblər. Onlar vətəndaşlardan torpağın müqabilində bələdiyyənin hesabına külli miqdarda pul keçirmələrini istəyiblər. Aldadılmış insanların içərisində şəhid ailələri, Qarabağ qaziləri də var. Misal üçün, Səməd Vurğun küçəsi, döngə 6 ünvanında 12 nəfər, Əliağa Şıxlinski küçəsində isə 13 nəfər aldadılıb. Ümumilikdə isə belə misallar 100-ə yaxındır".
Məsələ ilə bağlı münasibət öyrənmək üçün öncə Qazax Rayon İcra Hakimiyyətinin memarlıq və tikinti şöbəsi ilə əlaqə saxladıq. Şöbədən bildirildi ki, məsələdən məlumatlı deyillər. İcra hakimiyyətinin digər şöbələrindən də səslənən ittihamlarla bağlı münasibət ala bilmədik. Ya zəngimizə cavab vermədilər, ya da bildirdilər ki, məsələ barəsində məlumatlı deyillər...
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.