Belçika prokuroru əsas təhlükəni daxili terrorçularda görür
Hazırda terror xarakterli əsas təhlükə xaricdən gələn yaraqlılardan yox ölkə daxilindəki cinayətkarlardan irəli gəlir.
Trend-in məlumatına görə, bunu Belçikanın federal prokuroru Frederik Van Leuv Avropada terrorizmə qarşı mübarizə problemləri üzrə Avropanın "Eurojust" agentliyinin konfransında bildirib.
Prokuror deyib: "Liyejdə baş verən faciəli hadisələr bizə hazırda əsas təhlükənin daxili xarakterli olduğunu xatırlatdı. Avropada törədilən son terror aktlarının təxminən hamısı "daxili yaraqlılar-terrorçular" kateqoriyasına aid şəxslər tərəfindən törədilib. Xarici terrorçu tərəfindən törədilən son terror aktı Brüsseldə 22 mart 2016-cı ildə olub".
Qeyd edək ki, 22 mart 2016-cı ildə Brüsseldə baş verən terror aktı zamanı 32 nəfər həlak olub, 300-dən artıq insan isə yaralanıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.