ABŞ-ın paytaxtı Vaşinqtonda prezident Donald Trampın immiqrasiya siyasətinə qarşı etiraz aksiyası keçirilib.
Trend-in məlumatına görə, etiraz aksiyası zamanı 575 nəfər saxlanılıb. Saxlanılanlar qanunsuz etiraz aksiyasında iştirakda günahlandırılır.
Bildirilir ki, saxlanılanları sorğu etdikdən sonra cərimələyib evlərinə buraxırlar.
Qeyd edək ki, ABŞ prezidenti Donald Tramp qeyri-leqal immiqrasiyaya dair "sıfır səbr" siyasəti aparır. D.Tramp həmçinin bir neçə ölkə vətəndaşlarına ABŞ-a girişi qadağan edib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.